माघ २३, काठमाडौं । सभामुख अग्निप्रसाद सापकोटाले सरकारले बुधबार गरेको संवैधानिक परिषदका पदाधिकारीहरुको नियुक्ति संविधानसम्मत नभएको भन्दै सर्वोच्च अदालतमा रिट दायर गरेका छन् ।
सभामुख सापकोटाले शुक्रबार दायर गरेको रिटमा राष्ट्रपति कार्यालय र प्रधानमन्त्री कार्यालयलाई विपक्षी बनाइएको छ । सभामुख सापकोटाले दायर गरेको रिटको पेशी आइतबार नै तोकिएको छ ।
राष्ट्रपति विद्यादेवी भण्डारीले निकै ठूलो विवादका बीच बुधबार अख्तियार, निर्वाचन आयोग लगायतका संवैधानिक निकायहरुमा पदाधिकारी नियुक्त गरेकी थिइन् ।
