माघ १, काठमाडौं । नेपाल कम्युनिष्ट पार्टी नेकपाका ओली र प्रचण्ड–माधव दुवै पक्षले आज स्थायी समिति बैठक बोलाएका छन् । प्रधानमन्त्री केपी ओली पक्षको स्थायी कमिटी बैठक बालुवाटार र प्रचण्ड–माधव नेपाल पक्षले पेरिसडाँडा कोटेश्वरमा बैठक बोलाएका हुन् ।
प्रचण्ड–माधव पक्षको बैठकमा ओलीको संसद विघटन गर्ने प्रतिगामी कदमविरुद्धको आन्दोलन र सांगठानिक विषयमा छलफल गर्दैछ । सो समूहले प्रतिनिधिसभा विघटनको घटनालाई प्रतिगमनकारी घटना भनेको छ । त्यो पक्षले प्रतिगमन विरुद्धको जारी आन्दोलनको समीक्षा गर्दै भावी कार्यदिशाबारे छलफल गरिरहेको छ ।
यता प्रधानमन्त्री ओली पक्षको स्थायी कमिटी बैठक समसामयीक विषयमा छलफल गर्न बोलाइएको ओली पक्षका स्थायी कमिटी सदस्य सुवास नेम्वाङले जानकारी दिएका छन ।