|

नयाँ शक्तिमा नायिका करिष्मादेखि पूर्व एआईजीसम्मको संलग्न

baburam

काठमाडौ, माघ १० । पूर्व प्रधानमन्त्री डा. बाबुराम भट्टराईले नेतृत्व गरेको नयाँ शक्ति अभियानमा नायिका करिष्मा मानन्धरदेखि पूर्वएआईजी गणेश राईसम्मको संलग्नता रहने भएको छ । आगामी वैशाखमा पार्टीले राष्ट्रिय परिषदको घोषणाको तयारी गरिरहेका बेला आइतबार भट्टराईले विभिन्न पार्टीबाट आएका तथा प्रतिष्ठित व्यक्तिहरुलाई समेटेर नयाँ शक्ति निर्माण अभियान राष्ट्रिय परिषद् घोषणा गर्दैछन् ।
भट्टराईले एक पत्रकार सम्मेलन राख्दै नायिका करिश्मा मानन्धर र निर्माता अशोक शर्मालाई औपचारिक रुपमा नयाँ शक्तिमा आवद्ध गराउदैछन् भने अभिनेता सरोज खनाल यसअघि नै अभियानमा आवद्ध भइसकेका छन् । त्यस्तै पूर्व एआईजी गणेश राई पनि औपचारिक रुपमा आजबाट नयाँ शक्तिमा आवद्ध हुनेछन् ।
दलित जनजाति पार्टीकी सांसद यशोदा लामा पनि नयाँ शक्तिमा प्रवेश गर्दैछिन् भने पासाङ शेर्पा, केशवमान शाक्य लगायतका जनजाति नेताहरु पनि नयाँ शक्तिमा आवद्ध हुँदैछन् ।

Short URL: http://www.ramechhappost.com/?p=1450

Leave a Reply

120x600 ad code [Inner pages]

Recently Commented