जेठ १३ बारा । बारा जिल्लामा थप पाँच जनामा कोरोना संक्रमित पुष्टि भएको छ । पाँच जना थपिएका नयाँ ससंक्रमितमध्ये दुई जना नेपाली सेनामा कार्यरत रहेका छन् ।
पचरौता नगरपालिकाको क्वारेन्टाइनको सुरक्षामा खटिएका सेनाका दुई जना र सोही क्वारेन्टाइनमा बस्दै आएका अन्य तीन जना गरी पाँच जनालाई कोरोना भाइरस संक्रमण पुष्टि भएको हो ।
दुई सैनिक र तीन सर्वसाधारण समेत ५ जनालाई कोरोना भाइरस संक्रमण पुष्टि भएसँगै बारामा कूल संक्रमित संख्या ४१ पुगेको छ । त्यसमध्ये दुई जना उपचारपछि निको भएर घर फर्किसकेका छन् भने एकजनाको मृत्यु भएको छ ।