योनीबाट बगेको रगतको बाध्यता र त्यसमा लत्पतिएको राजनीति
महिनावारी, शारीरिक परिवर्तनमध्येको एक परिवर्तन हो । यो महिलाको गर्भाशयको भित्री अस्तर रगत र उक्तक योनीबाट निष्कासन हुने प्रक्रिया हो । साधारणतया महिनावारी १२ देखि १५ वर्षको उमेरमा सुरू हुन्छ, कसैमा आठ वर्ष देखि नै महिनावारीको लक्षण देखिने गर्दछ जुन साधरण मानिन्छ । महिनावारी प्राकृतिक सरसफाइ प्रक्रिया हो र महिनावारी हुनु भनेको एउटी केटी अब आमा बन्न तयार छिन् भन्ने संकेत पनि हो । महिनावारी हुँदा शारीरिक सरसफाईमा विशेष ध्यान पुर्याउनु पर्ने हुन्छ । सरसफाई कै लागि भनी हामी अहिले स्याटरी प्याडको प्रयोग गर्दै आएका छौँ । कतिपय ग्रामिण क्षेत्रका महिलाहरु अझै पनि फोहोर कपडा नै प्रयोग गर्दै आएका छन् । कतिपय महिलाहरुलाई प्याडको प्रयोग गर्नुपर्छ भन्ने थाहा त छ तर आर्थिक अभाव कै कारण प्याडको प्रयोग गर्न चाहँदा चाहँदै पनि यसबाट वञ्चित भएका छन् । साधारण्तया हामी न्यूनतम ७० पर्ने प्याड प्रयोग गर्दै आएका छौँ । एकपटक महिनावारी हुँदा हामीलाई लगभग २ प्याकेट प्याडको आवश्यक पर्छ । अझ हेभी...